ჩვენ ვართ საერთაშორისო აუდიტორული კომპანია

აუდიტორული კომპანია ქუდოს ჯორჯია

Kudos Georgia წარმოადგენს აუდიტისა და ბუღალტრული აღრიცხვის საერთაშორისო ქსელის Kudos International Network-ის სრულუფლებიან წევრს, რომელიც წარმოდგენილია მსოფლიოს 50 ქვეყანაში.

ჩვენი კომპანია რეგისტრირებულია საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის აუდიტორული ფირმების რეესტრში და მინიჭებული აქვს სავალდებულო აუდიტის ჩატარების უფლებამოსილება.

ჩვენს წარმატებას უზრუნველყოფს მაღალი კვალიფიკაციისა და გამოცდილების მქონე გუნდი, რომელთა შემადგენლობაშიც შედიან სერტიფიცირებული ბუღალტრები, შემფასებლები, აუდიტორები, ექსპერტები, რომელთაც გააჩნიათ დიდი გამოცდილება პროფესიულ მომსახურებაში სხვადასხვა მიმართულებით, როგორიცაა საბანკო საქმე, მიკროსაფინანსო ორგანიზაციები, ენერგეტიკა, ლოჯისტიკა, კომუნიკაცია, სოფლის მეურნეობა, სამთავრობო და არასამთავრობო ორგანიზაციები და სხვა.

ჩვენ ვთავაზობთ პროფესიონალურ მომსახურებას როგორც ქართულ, ასევე საერთაშორისო კომპანიებს.

ვამაყობთ, რომ ვართ Forum of Firms-ის წევრები. ფორუმის წევრობა შესაძლებელია მხოლოდ ისეთი ფირმებისათვის რომლებმაც დანერგეს გლობალურად კოორდინირებული შიდა ხარისხის უზრუნველყოფის გადახედვის პროგრამა, საქმიანობის პროცესში იყენებენ აუდიტის საერთაშორისო სტანდარტებს (ISAs) და აკმაყოფილებენ სხვა შესაბამის ეთიკურ მოთხოვნებს.

„ქუდოს ჯორჯია“ უზრუნველყოფს ფინანსური აუდიტი და ბუღალტრული მომსახურების მიწოდებას:

„ქუდოს ჯორჯია“ უზრუნველყოფს ფინანსური აუდიტისა და ბუღალტრული მომსახურების მიწოდებას:

ფინანსური აუდიტი
საგადასახადო მიმოხილვა
საინვესტიციო მიმოხილვა
ტრენინგები
ბუღალტრული მომსახურება
შეფასება
დიუ დილიჯენსი
IFRS-ის დანერგვა

ჩვენ მზად ვართ შევქმნათ უკეთესი საფინანსო გარემო.

ღირებულებები

რაზე დგას Kudos Georgia

01 / 04

ჩვენი მიზანი

ბიზნესისთვის ვიყოთ მყარი და საიმედო დასაყრდენი

ხელმძღვანელობა

მმართველი პარტნიორები

ალექსანდრე მარგიშვილი

„ქუდოს ჯორჯიას“ გენერალური დირექტორი და პარტნიორი

მიღებული აქვს ივ. ჯავახიშვილის სახ. თბილისის სახელმწიფო უნივერსიტეტის მენეჯმენტისა და მიკროეკონომიკის ფაკულტეტის ბიზნესის ადმინისტრირების მაგისტრის ხარისხი. პროფესიული განათლება მენეჯმენტის დისციპლინაში ასევე მიღებული აქვს ნიუ იორკის უნივერისტეტის სტერნის ბიზნესის სკოლაში. იყო მსოფლიო ბანკის საწარმოთა რესტრუქტურიზაციისა და მენეჯმენტის დახმარების ცენტრის (CERMA) აღმასრულებელი დირექტორი, თბილისის ვიცე-მერი, საქართველოს კულტურისა და ძეგლთა დაცვის მინისტრის მოადგილე, „თიბისი ბანკის“ კორპორატიული დაკრედიტების დეპარტამენტის პროექტების ფინანსირების ჯგუფის უფროსი, „თბილისის მეწარმეობის ხელშეწყობის ცენტრის“ თავმჯდომარე, შპს „სახალხო ფოსტის“ გენერალური დირექტორი, ეკონომიკისა და მდგრადი განვითარების სამინისტროსა და გაეროს განვითარების პროგრამის მოწვეული ბიზნეს-კონსულტანტი. 2016-2019 წლებში იყო საერთაშორისო აუდიტორული კომპანიის PKF Georgia-ს პარტნიორი და დირექტორი, სადაც გარდა მენეჯმენტის ფუნქციების განხორციელებისა უშუალოდ იყო ჩართული სხვადსხვა პროექტებში ინსტიტუციონალური განვითარებისა და მარწმუნებელი გარიგებების განხორციელების მიმართულებით.

ანა ოსიყმიშვილი

„ქუდოს ჯორჯიას“ დირექტორი და პარტნიორი

სერტიფიცირებული აუდიტორი. მიღებული აქვს ივ. ჯავახიშვილის სახ. თბილისის სახელმწიფო უნივერსიტეტის მენეჯმენტისა და მიკროეკონომიკის ფაკულტეტის ბიზნესის ადმინისტრირების მაგისტრის ხარისხი. ამჟამად არის სოხუმის სახელმწიფო უნივერსიტეტის ბიზნესისა და სოციალურ მეცნიერებათა ფაკულტეტის დოქტორანტი. არის ასევე სერტიფიცირებული ბუღალტერი და სერტიფიცირებული მოძრავი ქონების შემფასებელი. აუდიტორული მიმართულებით მუშაობის 11-წლიანი გამოცდილებით როგორც კერძო კომპანიებში, ასევე სახელმწიფო უწყებებში. მისი, როგორც გარიგების პარტნიორის ხელმძღვანელობით, აუდიტი განხორციელებულია საბანკო და ფინანსური, სახელმწიფო, არასამთავრობო ორგანიზაციების, სამშენებლო და სოფლის მეურნეობის სექტორში მოქმედ ათეულობით კომპანიაში.

ირაკლი ჟვანია

„ქუდოს ჯორჯიას“ მმართველი პარტნიორი

თბილისის ივანე ჯავახიშვილის სახელობის უნივერსიტეტის ბიზნეს ადმინისტრირების მაგისტრი. საჯარო და კერძო სექტორში სხვადსხვა პოზიციებზე მუშაობის 15-წლიანი გამოცდილებით. იყო თბილისის მერიის ინვესტიციებისა და ინვესტორთა მომსახურების დეპარტამენტის უფროსი, თბილისის მიწათსარგებლობის ახალ გენერალურ გეგმაზე მომუშავე კომპანიის CIG Georgia აღმასრულებელი დირექტორი, PKF Georgia პროექტების მენეჯერი. აქვს ინვესტიციების მართვის, კაპიტალური ინვესტიციების დაგეგმვის, ბიზნეს საკონსულტაციო და კვლევითი მიმართულების პროექტებში მუშაობის დიდი გამოცდილება.

გიორგი ბალესიაშვილი

„ქუდოს ჯორჯიას“ მმართველი პარტნიორი

განათლება მიღებული აქვს ივანე ჯავახიშვილის სახელობის თბილისის სახელმწიფო უნივერსიტეტში მაკროეკონომიკის მიმართულებით. წლების განმავლობაში მუშაობდა სხვადასხვა საერთაშორისო აუდიტორულ კომპანიაში ფინანსური და საგადასახადო მიმართულებით. 7 წლის განმავლობაში იყო მსხვილი სადისტრიბუციო და საკვები პროდუქტების მწარმოებელი კომპანიების, „ქართული რძის პროდუქტები“, „კალინა ჯორჯია“ გენერალური დირექტორი. დიდი გამოცდილება აქვს საინვესტიციო პროექტების მომზადებასა და მოზიდული კაპიტალის მართვაში.

საერთაშორისო ქსელი

Forum of Firms-ის სრულუფლებიანი წევრი

ფორუმის წევრობა შესაძლებელია მხოლოდ ისეთი ფირმებისათვის, რომლებმაც დანერგეს გლობალურად კოორდინირებული შიდა ხარისხის უზრუნველყოფის გადახედვის პროგრამა, საქმიანობის პროცესში იყენებენ აუდიტის საერთაშორისო სტანდარტებს (ISAs) და აკმაყოფილებენ სხვა შესაბამის ეთიკურ მოთხოვნებს.

ქსელის შესახებ

50ქვეყანა

მოითხოვეთ შეხვედრა

გაიარეთ ბიზნესის დიაგნოსტიკა — ხუთ წუთში ნახავთ, რომელი მომსახურება შეესაბამება თქვენს კომპანიას. ან პირდაპირ დაგვიკავშირდით.

ბიზნესის დიაგნოსტიკა დაგვიკავშირდით